पुणे : देशाबरोबरच राज्यात अत्याचाराच्या घटनांमध्येही वाढ होत आहे. अशातच पिंपरी चिंचवडमध्ये एक धक्कादायक घटना घडली आहे. एका १४ वर्षीय मुलीवर वारंवार बलात्कार करून तिला गर्भधारणा केल्याप्रकरणी एका व्यक्तीला अटक करण्यात आली आहे. पिडीत मुलीशी आरोपीने सोशल मीडियावर मैत्री केली. त्यानंतर या वर्षी एप्रिल ते जून दरम्यान तिच्यावर अनेक वेळा बलात्कार केला. या घटनेनं परिसरात खळबळ उडाली आहे.
कार्तिक कांबळे असं आरोपीचे नाव आहे. कार्तिकने सोशल मीडियावरून तरुणीसोबत मैत्री केली. त्यानंतर आरोपीने तिचा लैंगिक छळ केला आणि घरच्यांना सांगितल्यास जीवे मारण्याची धमकीही दिली. एप्रिल ते जून दरम्यान पीडितेवर अनेकदा बलात्कार केला. त्यामुळे पीडित मुलगीही गरोदर राहिली. त्यानंतर तरुणीने पोलीस स्थानकात धाव घेतली. त्यामुळे पोलिसांनी आरोपीला अटक करून न्यायालयात हजर केले आणि ४ दिवसांची पोलीस कोठडी सुनावली.
आरोपीविरुद्ध भारतीय दंड संहिता आणि लैंगिक अपराधांचे संरक्षण कायद्यांतर्गत बलात्कार आणि इतर गुन्ह्यांचे आरोप ठेवण्यात आले आहेत. सध्या या प्रकरणाचा पुढील तपास सुरू आहे. या घटनेची माहिती देताना एसीपी सुरेश कुराडे यांनी सांगितले की, पीडित महिला तिच्या कुटुंबीयांसह पोलीस ठाण्यात तक्रार देण्यासाठी पोहोचली होती. त्यावर कारवाई करत पोलिसांनी आरोपीला अटक केली. पीडितेने तक्रारीत म्हटले आहे की, तिने इंस्टाग्रामच्या माध्यमातून आरोपीशी संपर्क साधला होता.
