अल्पवयीन मुलींवर लैंगिक अत्याचार करणाऱ्या 55 वर्षीय नराधमास 5 वर्षांचा कारावास
धाराशिव (प्रतिनिधी) – तामलवाडी येथील एका 55 वर्षीय नराधमाला अल्पवयीन मुलींवर लैंगिक अत्याचार केल्याप्रकरणी 5 वर्षांचा कारावास आणि रु.6,000/-रु. दंडाची शिक्षा जिल्हा व सत्र न्यायाधीश, धाराशिव यांनी सुनावली आहे.
आरोपी तानाजी बाबुराव आगलावे याने मार्च 2020 मध्ये अल्पवयीन मुलींना चॉकलेट आणि बिस्किटचे आमिष दाखवून त्यांना आपल्या शेतात नेले आणि त्यांच्यावर लैंगिक अत्याचार केला. विशेष म्हणजे, पीडित मुली आरोपीच्या नातवंडाच्या वयाच्या होत्या.
या घटनेची तक्रार पीडित मुलींच्या आईने तामलवाडी पोलीस ठाण्यात दिली होती. पोलीस उपनिरीक्षक एस.एल.जमदाडे यांनी या गुन्ह्याचा तपास केला आणि न्यायालयात दोषारोपपत्र दाखल केले. सरकार पक्षाच्या वतीने साक्षीदार तपासण्यात आले. या प्रकरणात अतिरिक्त शासकीय अभियोकता म्हणून सचिन सूर्यवंशी यांनी सरकार पक्षाच्या वतीने बाजु मांडली. यात पिडीत मुलींची साक्ष महत्वाची ठरली.
