नवी मुंबई : विधानसभा निवडणुकीत सर्व पक्षांत बंडखोरी बघायला मिळाली. मित्रपक्षाला उमेदवारी मिळाल्यामुळे इच्छुकांनी तेथे अपक्ष म्हणून उभे राहणे पसंत केले. त्या बंडखोरांचा प्रचार करू नये म्हणून पक्षाध्यक्षांनी सर्व पदाधिकाऱ्यांना सक्तताकीद दिली होती. मात्र, याचा काहीही परिणाम झाला नाही. त्यामुळे सर्व पक्षानी बंडखोरावर कारवाई केली.
नुकत्याच बेलापूर मतदारसंघातील शिवसेनेचे शिंदे गटातील सात पदाधिकाऱ्यांना दणका देत मुख्यमंत्री एकनाथ शिंदे यांनी त्यांचे निलंबन केलं आहे. या विधानसभा मतदारसंघातील बंडखोर उमेदवार विजयी नाहटा यांना मदत करणाऱ्या पदाधिकाऱ्यांविरोधात ही मोठी कारवाई करण्यात आली आहे. खासदार नरेश म्हस्के यांनी नुकत्याच झालेल्या एका प्रचार सभेत बंडखोर उमेदवारांना उमेदवार साथ देऊ नका असे बजावले होते. मात्र त्यानंतरही हा प्रकार सुरू होता अखेर शिवसेनेच्या शीर्षस्थ नेतृत्वाच्या वरिष्ठ पातळीवरील पदाधिकाऱ्यांच्या हा सगळा प्रकार लक्षात आल्यानंतर या सगळ्याची गंभीर तक्रार घेत त्या सात पदाधिकाऱ्यांच्या विरोधात निलंबनाची कारवाई करण्यात आली आहे.
महायुतीमधील भाजपनंतर आता शिवसेनेचे पक्षप्रमुख मुख्यमंत्री एकनाथ शिंदे यांच्याकडूनही पक्षविरोधी काम कराल तर खबरदार असाच अप्रत्यक्षरीत्या संदेश देण्यात आला आहे.शिंदेंच्या शिवसेना तर्फे पक्ष विरोधी काम करणाऱ्या पदाधिकाऱ्यांचे निलंबन करण्यात आले आहे. यामध्ये तीन उपजिल्हाप्रमुख, दोन विभाग प्रमुख, एक उपविभाग प्रमुख आणि एक सहसंपर्क प्रमुखाचे या पदाधिकाऱ्यांचा समावेश आहे. बेलापूर विधानसभा क्षेत्रात भाजपा महायुतीच्या उमेदवार मंदा म्हात्रे यांच्या ऐवजी अपक्ष उमेदवार विजय नाहटा यांचा प्रचार करत असल्याने ही मोठी निलंबनाची कारवाई करण्यात आली आहे.
