शिंदे गटाचे आमदार संजय गायकवाड पुन्हा वादात

बुलढाणा : बुलढाण्याचे शिंदे गटाचे आमदार संजय गायकवाड यांना आपले चिरंजीवांच्या वाढदिवसानिमित्त तलवारींने केक कापला तसेच त्या भल्या माेठ‌्या तलवारींने ताे केक आपल्या लेकास व पत्नीस भरवाला.

सध्या तलवारीने केक कापून ताे व्हिडीओ सोशल मीडियात व्हायरल करण्याची तरुणाईत माेठी क्रेझ आहे. असा या तरुणांवर सार्वजनिक ठिकाणी तलवार वापरल्याबद्दल पोलिसांनी कारवाई देखील केलेली आहे. आमदार गायकवाडांनी केवळ तलवार दाखवलीच नाही तर त्याने केकंही कापला. याही पुढे जाऊन त्यांनी आपल्या लाडक्या लेकाला आणि पत्नीला केकं भरवालादेखील. त्यामुळे पोलिस सध्या या प्रकरणात काय कारवाई करते, याकडे जनतेचे लक्ष आहे.

आमदार संजय गायकवाड यांचा मुलगा कुणाल गायकवाड वाढदिवस होता. या वाढदिवसाची पूर्ण जिल्ह्यात चर्चा होती. सगळीकडे शुभेच्छांचे मोठमोठे बॅनर लागले होते. आमदारांच्या चिरंजीवांना भेटायला रांगच रांगा लागल्या होत्या. दरम्यान बुलढाण्यात आमदार पुत्राचा वाढदिवस साजरा करण्यात आला. यावेळी आमदार गायकवाड, त्यांचे पुत्र, पत्नी आणि कार्यकर्ते उपस्थित होते. केक समोर आल्यावर आमदार गायकवाडांनी तलवार काढली आणि हातातील भल्यामोठ्या तलवारीनं स्टेजवर सर्वांसमोर केक कापला व तो तलवारीनंच आपल्या पत्नीला भरवला. याचा व्हिडिओ सध्या व्हायरल होतोय. सामान्य व्यक्तीनं तलवारीनं केक कापला तर त्या व्यक्तीवर कारवाई केली जाते.

आमदार संजय गायकवाड हे यापुर्वीही आपल्या वादग्रस्त विधानाने अनेक वेळा वादात सापडले आहे, आता या तलवार प्रकरणी काय कारवाई होते, याची चर्चा िजल्ह‌यात आहे.