छत्रपती संभाजीनगर, जालन्यातून तीन संशयित अतिरेकी ताब्यात

छत्रपती संभाजीनगर : जम्मू आणि काश्मीरमधील काही दहशतवादी संघटनांची याचा संबंध असल्याचं कारणाने देशभरात अनेक ठिकाणी एकाच वेळी नॅशनल इन्वेस्टीगेशन एजन्सी म्हणजेच एटीआय आणि दहशतवाद विरोधी पथक यांची संयुक्त कारवाई सुरू आहे. महाराष्ट्रातही छत्रपती संभाजीनगर, जालन्यातून तिघांना ताब्यात घेण्यात आले आहे.

जालन्यात पकडण्यात आलेला संशयित तरुण चामड्याचा व्यापारी असून पहाटे चार वाजल्यापासून या तरुणाची NIA कडून चौकशी करण्यात येत आहे. देशभरात ठिकठिकाणी NIA आणि ATS ने सुरु केलेल्या छाप्यांमध्ये महाराष्ट्रातील तीन संशयित तरुणांना ताब्यात घेण्यात आले असून जालना शहरातील रामनगर परिसरातून एका चामड्याच्या व्यापाऱ्यालाही NIA कडून ताब्यात घेण्यात आले आहे.

जालना जिल्ह्यातील रामनगर चमडा परिसरात एका संशयितांची NIA कडून चौकशी करण्यात येत असल्याचं सांगण्यात येत असून चौकशी सुरु असलेला तरुण चमड्याचा व्यापारी असल्याचं समोर येतंय. सकाळी चार वाजता या तरुणाचा दरवाजा NIA आणि ATS च्या अधिकाऱ्यांनी दार ठोठावले आणि चामड्याचा हा व्यापारी दहशदवादी कृत्यात सामील असल्याच्या संशयातून NIA च्या तावडीत सापडला आहे. जालन्यातील सदर बाजार पोलीस ठाण्याच्या हद्दीत ही कारवाई सुरु असून या तपासात नक्की काय उघड होते याकडे सर्वांचे लक्ष आहे.