राज्यातील १२ आयपीएस अधिकाऱ्यांच्या बदल्या

मुंबई : भारतीय पोलिस सेवेतील (आयपीएस) पोलिस उपायुक्त दर्जाच्या १२ अधिकाऱ्यांच्या बदल्या करण्यात आल्या आहेत. याबाबतचे आदेश गृह विभागाकडून बुधवारी (दि. ७) काढण्यात आले. ठाणे शहर वाहतूक शाखेचे पोलीस उपायुक्त विनयकुमार राठोड यांची छत्रपती संभाजीनगर ग्रामीणच्या पोलीस अधीक्षकपदी वर्णी लागली आहे. तर गुन्हे अन्वेषण विभाग अमरावतीचे अविनाश बारगळ यांची बीडच्या पोलीस अधीक्षकपदी बदली करण्यात आली आहे.
यासोबतच अविनाश कुमार- अतिरिक्त पोलिस अधीक्षक, नांदेड (पोलिस अधीक्षक नांदेड), दिगंबर प्रधान- पोलिस अधीक्षक, पुणे महानगर प्रदेश विकास प्राधिकरण (पोलिस उपायुक्त मुंबई), मोहन दहीकर- पोलिस अधीक्षक महामार्ग सुरक्षा पथक, ठाणे (पोलिस उपायुक्त ठाणे शहर), प्रकाश जाधव- पोलिस उपायुक्त, मुंबई (सहाय्यक पोलिस महानिरीक्षक, मुंबई), गोरख भामरे- पोलिस उपायुक्त नागपूर (पोलिस अधीक्षक गोंदिया), जी. श्रीधर- पोलिस अधीक्षक, हिंगोली (पोलिस उपायुक्त पुणे), प्रियांका नारनवरे- समादेशक राज्य राखीव पोलिस बल, नागपूर (पोलिस अधीक्षक लोहमार्ग नागपूर). तसेच, भारतीय पोलिस सेवेतील मनीष कलवानिया, श्रीकृष्ण कोकाटे आणि नंदकुमार ठाकूर यांची बदली करण्यात येत असून, त्यांच्या पद स्थापनेचे आदेश स्वतंत्रपणे काढण्यात येणार आहेत.