पुण्यात स्कुल बस चालकाचा सहा वर्षीय मुलींवर चालत्या बसमध्ये अत्याचार

पुणे: मागील काही दिवसांमध्ये अल्पवयीन मुली, महिला यांच्यावर होणाऱ्या अत्याचारांमध्ये मोठ्या प्रमाणावर वाढ झाली आहे. बदलापूर, अकोला, पुणे यासह राज्याच्या अनेक मोठ्या शहरांमध्ये अल्पवयीन मुलीसोबत घडलेल्या घटनांनी नागरिकांमध्ये संतापाची लाट उसळली. अशातच पुण्यात दोन अल्पवयीन मुलीवर लैंगिक अत्याचार केल्याची संतापजनक घटना उघडकीस आली आहे.

मिळालेल्या माहितीनुसार, स्कुल बस ड्रायव्हरने आठ वर्षांच्या दोन मुलींवर लैंगिक अत्याचार केल्याची घटना पुण्यातील वानवडी भागात घडली आहे. याप्रकरणी वानवडी पोलीस ठाण्यात गुन्हा दाखल करण्यात आला असून 45 वर्षांच्या स्कुल बस ड्रायव्हरला अटक करण्यात आली आहे. 30 सप्टेंबरला हा स्कुल बस ड्रायवर विद्यार्थ्यांना घेऊन शाळेत पोहचला. शाळा सुटल्यावर मुलींना पुन्हा घरी सोडताना त्याने आठ वर्षांच्या दोन पिडित मुलींना ड्रायव्हरच्या केबीनमधे बोलावले आणि त्यांच्यासोबत अश्लील चाळे केले. एका पिडीत मुलीने याबाबत पालकांना याबाबतची माहिती दिल्यावर ड्रायव्हरला अटक करण्यात आली. पिडीत मुलींची प्रकृती व्यवस्थीत आहे. नियमाप्रमाणे प्रत्येक स्कुल बसमधे एक महिला केअर सेंटर असणं बंधनकारक आहे. या स्कुल बसमधील महिला केअर टेकर यावेळी स्कुल बसमधे होती का हा प्रश्न उपस्थित होतोय. बदलापूरमध्ये घडलेल्या घटनेनंतर पालकांमध्ये आणि नागरिकांमध्ये संतापाची लाट उसळली आहे.

पुणे अत्याचार प्रकरणातील स्कुल व्हॅन फोडली
पुणे अत्याचार प्रकरणातील स्कुल व्हॅन संतप्त नागरिकांनी फोडली आहे. धावत्या स्कुल व्हॅनमध्ये ६ वर्षीय चिमुकलीसह तिच्या मैत्रिणीवर धावत्या व्हॅनमध्ये लोैंगिक अत्याचार करण्यात आला होता.

काय म्हणाले फडणवीस?
पुण्यातील विद्यार्थीनींवर झालेल्या अत्याचाराव बोलताना देवेंद्र फडणवीस म्हणाले,”पुण्यामध्ये स्कूल व्हॅन मध्ये एका चालकाने मुलीला चुकीच्या पद्धतीने स्पर्श केले आहे. यासह त्याने आणखी एका मुलीलाही चुकीच्या पद्धतीने स्पर्श केल्याचे समोर आले आहे. आरोपीविरोधात आता पॉस्को अंतर्गत गुन्हा दाखल करण्यात आला आहे. त्याच्यावर कठोर कलमे लावण्यात आली आहे.”

फडणवीस पुढे म्हणाले, “य़ा प्रकरणाशी संबंधित संस्थाचालकांनाही चौकशीसाठी बोलावण्यात आले आहे. त्यांचा काही दोष आहे का हे तपासले जात आहे. इतर सर्व शैक्षणिक संस्थांना सांगितलं जात आहे की, विद्यार्थ्यांच्या ट्रान्सपोर्टेशनची जी काही पद्धत आहे. त्यामध्ये वाहन चालक म्हणून काम करणारे योग्य आहे की नाही, याची तपासणी केली पाहिजे.”