सांगोला : प्रतिनिधी)
दिनांक १ जानेवारी २०२४ ते ३१ डिसेंबर २०२४ या कालावधीत सांगोला पोलीस स्टेशन हद्दीत गहाळ झालेल्या मोबाईल पैकी सुमारे ३६ लाख २५ हजार रुपये किंमतीचे तब्बल १४५ मोबाईलचा तांत्रिक विश्लेषणाद्वारे शोध घेऊन तक्रारदार यांना पो. नि. भीमराया खणदाळे यांच्याहस्ते परत करण्यात आले.
तसेच दिनांक १ डिसेंबर २०२४ ते ३१ डिसेंबर २०२४ या कालावधीत सांगोला पोलीस ठाणे यांनी सायबर पोलीस ठाणे यांच्या मदतीने गहाळ झालेल्या एकूण २५ मोबाईलचा शोध घेतला असता, सुमारे ३ लाख २० हजार रुपये किंमतीचे १६ मोबाईल यांचा शोध घेऊन तक्रारदारास परत केले आहे.
सदरची कामगिरी सोलापूर ग्रामीण पोलीस अधीक्षक अतुल कुलकर्णी , अप्पर पोलीस अधीक्षक प्रितम यावलकर , उपविभागीय पोलीस अधिकारी मंगळवेढा विक्रांत गायकवाड यांच्या मार्गदशनाखाली पो. नि. भीमराया खणदाळे यांच्या मार्गदशानाने पो.कॉ. शहाजहान शेख व पो.कॉ. रतन जाधव (सायबर पोलीस ठाणे) यांनी केली आहे.
पो.कॉ. शहजान शेख यांचे विशेष परिश्रम
सांगोला पोलीस हद्दीतील गहाळ मोबाईल शोध घेण्यात पो.कॉ. शहजान शेख यांनी प्रचंड मेहनत घेऊन मोबाईल तक्रारदारास परत मिळवून देण्यासाठी परिश्रम घेतले आहे. सदर कामगिरीमुळे पो.कॉ. शेख यांचे विशेष कौतुक होत आहे.
