मुंबईत शाळेतच साडेतीन वर्षाच्या विद्यार्थिनींवर अत्याचार
बदलापूर येथे एक धक्कादायक घटना; नामांकित शाळेतील व्यक्तीने केला अत्याचार

मुंबई : बदलापूरातील नामांकित शाळेत दोन अल्पवयीन विद्यार्थिनींवर अत्याचार करण्यात आल्याचा संतापजनक प्रकार समोर आला आहे. शाळेतीलच व्यक्तीने अत्याचार केल्याचा प्राथमिक अंदाज व्यक्त करण्यात येत आहे.
शाळेत तीन ते साडेतीन वर्षाच्या अल्पवयीन विद्यार्थिनींवर अत्याचार करण्यात आल्याची धक्कादायक घटना उघडकीस आली आहे. बदलापूर पोलिसांनी इतक्या संवेदनशील प्रकरणात तब्बल १२ तासांनंतर गुन्हा दाखल करुन घेतला आहे. मनसेच्या पदाधिकाऱ्यांनी पीडित कुटूंबासोबत पोलिस ठाण्यात येत पोलिसांना याची माहिती देत हा प्रकार समोर आणला होता. त्यानंतर महिला आणि बालकल्याण विभागाचे अधिकारी पीडित कुटूंबासोबत मध्यरात्रीपर्यंत थांबल्यावर पोलिसांना शाळेतील अज्ञात व्यक्ती विरोधात गुन्हा दाखल करावा लागला आहे. इतक्या संवेदनशील घटनेबाबत पोलिसांनी दाखवलेल्या बेजबाबदार आणि हलगर्जीपणामुळे पोलिसांवर टीका होत आहे. या प्रकरणात पोलिस अधिक माहिती घेत आहेत.
शाळेतील हा नराधम पीडितांचे शोषण करत होता. त्यातील एका पिडीत मुलीने घरच्यांना याची माहिती दिल्यानंतर ही घटना उघडकीस आली आहे.