एकनाथ शिंदे यांचा ‘राज’पुत्रासाठी त्याग… अमित ठाकरेंसाठी सोडणारा हा मतदारसंघ

मुंबई : विधानसभा निवडणुकीसाठी महायुतीमध्ये अद्याप जागावापटबाबत अंतिम निर्णय झालेला नाही. मात्र मुख्यमंत्री एकनाथ शिंदे राज पुत्रासाठी एक निर्णय घेण्याची शक्यता आहे. अमित ठाकरेंनी भांडूप मतदारसंघातून निवडणूक लढवण्याची शक्यता आहे. त्यांच्यासाठी एकनाथ शिंदे आपला एक मतदारसंघ सोडण्याच्या तयारीत आहेत. सूत्रांच्या माहितीनुसार, अमित ठाकरेंसाठी शिवसेना भांडूप मतदारसंघ सोडायला तयार आहे. पण मनसे अध्यक्ष राज ठाकरे यांनी मात्र अजूनही अमित ठाकरे यांच्या उमेदवारीबद्दल निर्णय घेतला नाही.

अमित ठाकरेंसाठी एकनाथ शिंदे यांनी पुढाकार घेतला आहे. अमित ठाकरे यांच्यासाठी शिवसेना जागा सोडायला तयार आहे. जर अमित ठाकरे निवडणुकीच्या रिंगणात उतरणार असतील तर शिवसेना त्यांच्यासाठी जागा सोडणार आहे. अमित ठाकरेंसाठी शिवसेना भांडूप मतदारसंघ सोडू शकतो. उमेदवारी दिली तर अमित ठाकरे पहिल्यांदाच निवडणुकीच्या रिंगणात उतरणार आहेत. पण मनसे अध्यक्ष राज ठाकरे यांनी मात्र अजून अमित ठाकरे यांची उमेदवारी बद्दल निर्णय घेतलेला नाही.

अमित ठाकरे यांच्यासाठी भांडुपसोबत मागाठाणे आणि माहीम मतदारसंघांचीही चाचपणी सुरू आहे. या मतदारसंघांत मूळ शिवसेनेचे मात्र एकनाथ शिंदे गटात सहभागी झालेले अनुक्रमे प्रकाश सुर्वे आणि सदा सरवणकर आमदार आहेत, तर भांडुपमध्ये उद्धव ठाकरे गटाचे रमेश कोरगावकर आमदार आहेत. २०१९ मध्ये युवा सेनेचे प्रमुख आणि उद्धव ठाकरे यांचे पुत्र आदित्य वरळी मतदारसंघातून निवडणूक लढले.