नशेचे इंजेक्शन देऊन तरुणीवर वारंवार बलात्कार, तरुणीकडे किरायाने राहून तिलाच फसवले

नवी दिल्ली : राजधानी दिल्लीतील मालवीय नगर परिसरात एका अल्पवयीन मुलीवर नशेचे इंजेक्शन देऊन बलात्कार केल्याची लाजिरवाणी घटना समोर आली आहे. पीडित मुलीच्या घरात भाड्याने राहणारी महिला आणि तिच्या मित्रावर बलात्काराचा आरोप आहे. पीडित मुलीच्या जबाबाच्या आधारे पोलिसांनी गुन्हा नोंदवून प्रकरणाचा तपास सुरू केला आहे.

पोलीस अधिकाऱ्याने सांगितले की, पीडित मुलगी चिराग दिल्ली परिसरात तिच्या कुटुंबासोबत राहते. तिचे वडील बांधकाम व्यावसायिक आहेत. 21 जून रोजी तिच्या घरातून 1 लाख 78 हजार रुपये चोरीला गेले. ही माहिती पोलिसांना देण्यात आली. पोलिसांनी चोरीचा तपास सुरू केला. २४ जून रोजी पोलिसांनी चौकशी केल्यानंतर तरुणीकडून मोबाईल जप्त करण्यात आला. हा मोबाईल तिला भाड्याने राहणाऱ्या मावशीने दिला होता. सखोल चौकशी केली असता, मुलीने सांगितले की, भाड्याने राहणाऱ्या आंटीनेच घराच्या लॉकरचे कुलूप तोडून पैसे चोरले. या वेळी भाड्याने राहणाऱ्या बबिता हिने गेल्या तीन महिन्यांत मुलीच्या घरातून तिला धमकावून तीन लाख रुपये चोरल्याचे उघड झाले. पोलिसांना बबिताच्या खोलीत मोबाईल आणि रोख रक्कमही सापडली. या मुलीचाही लैंगिक छळ होत असल्याचे तपासात समोर आले आहे.

पीडित मुलीने आजीला सांगितले की, बबिताने तिला खोलीत बोलावून प्रसाद खायला दिला, जे खाल्ल्यानंतर ती झोपी गेली आणि त्यानंतर राहुल गुर्जरने तिच्यावर बलात्कार केला. आरोपीने मुलीचा व्हिडिओही बनवला आणि त्यानंतर तिला धमकावून तिच्यावर वारंवार बलात्कार करण्यास सुरुवात केली. मुलीने सांगितले की, आरोपी तिला इंजेक्शन देत असे, त्यामुळे ती नशेत जायची. त्यानंतर त्याच्यासोबत चुकीच्या गोष्टी करण्यात आल्या. मुलीच्या फिर्यादीवरुन दुसरा एफआयआर नोंदवून पोलिसांनी प्रकरणाचा तपास सुरू केला आहे.