क्राइममहाराष्ट्र

मुलीने आत्महत्या का केली? या विचाराने अस्वस्थ वडिलांना सापडली एक चिठ्ठी अन्…

पुणे : पिंपरी चिंचवड परिसरात एका बारा वर्षीय मुलीने ६ जून २०२४ रोजी गळफास घेऊन आत्महत्या केली होती. मुलीने आत्महत्या का केली? हा विचाराने ते अस्वस्थ होते. मात्र, मुलीच्या कपाटातील एका ड्रेसच्या खिशात सापडलेल्या एका चिठ्ठीने त्यांना या प्रश्नाचे उत्तर मिळाले. अन् आत्महत्येचे कारण देखील समोर आले. याप्रकरणी पोलिसांनी दोघांना बेड्या ठोकल्या आहेत.

क्षितिज पराड आणि तेजस पठारे या दोघांना पोलिसांनी अटक केली आहे. या प्रकरणी मुलीच्या वडिलांनी दिलेल्या फिर्यादीवरून पोलिसांनी ही कारवाई केली. पोलिसांनी या दोघांविरोधात पॉक्सोचा गुन्हा दाखल केला आहे.

चिंचवडमधील भोसरी परिसरामध्ये चहाचा विक्री करणाऱ्या एका व्यक्तीच्या बारा वर्षीय मुलीने राहत्या घरात गळफास घेऊन आत्महत्या केली होती. आपल्या मुलीच्या आत्महत्येने आई-वडिलांना मोठा धक्का बसला होता. आपल्या मुलीने आत्महत्या का केली? तिला कसला त्रास होता का? असे असंख्य प्रश्न त्यांना पडत होते. त्याच विचारांमध्ये ते राहत होते.
मात्र आपल्या मुलीने आत्महत्या केल्याने ते पूर्णतः खचून गेले होते. त्यांनी आपल्या मुलींना आत्महत्या का केली? या प्रश्नाचे उत्तर शोधण्यासाठी सुरुवात केली. तिच्या वडिलांनी जवळपास असलेले सर्व सीसीटीव्ही फुटेज तपासले मात्र त्यात त्यांना काही मिळाले नाही. त्याविषयी त्यांनी आजूबाजूच्या लोकांशी चौकशी देखील केली. मात्र, त्यांना कुठलाही रिस्पॉन्स मिळाला नाही. तेवढ्यात त्यांना मुलीने घातलेल्या ड्रेसच्या खिशामध्ये एका चिठ्ठी सापडली. त्यात एक मोबाईल नंबर होता. तो मोबाईल नंबर अनोळखी असल्याचं त्यांच्या लक्षात आलं. त्यानुसार, त्यांनी पुढील कारवाई करण्यास सुरुवात केली. संबंधित मोबाईल नंबरवरील आरोपी हे मुलीचा पाठलाग करून छळ करत होते, असा आरोप मुलीच्या वडिलांकडून करण्यात आला.
त्यानुसार ५ ऑक्टोबर २०२४ रोजी मुलीच्या वडिलांनी भोसरी पोलीस ठाण्यामध्ये फिर्याद दाखल केली. भोसरी पोलिसांनी घटनेचे गांभीर्य लक्षात घेत तात्काळ गुन्हा दाखल करून दोघांना अटक केली आहे.

Related Articles

Leave a Reply

Your email address will not be published. Required fields are marked *

Back to top button