क्राइम

रस्त्याच्या कडेला उभ्या ट्रकला कारची जबर धडक; चार तरुणांचा जागीच मृत्यू

चंद्रपूर : येथे ट्रक- कारच्या भीषण अपघातात चार तरुणांचा जागीच मृत्यू झाला, तर एक तरुण गंभीर जखमी झाला. ही घटना चंद्रपूर जिल्ह्यातील गडचांदूर-भोयगाव-चंद्रपूर मार्गावरील लखमापूर येथे पहाटेच्या सुमारास घडली आहे.

या भरधाव कारने रस्त्याच्या कडेला उभ्या असलेल्या ट्रकला जबर धडक दिली आहे. तर या अपघाताची माहिती मिळताच पोलिसांचे पथक आणि रुग्णवाहिका घटनास्थळी दाखल झाली आहे. पोलीस पुढील कायदेशीर प्रक्रिया करत असून गंभीर जखमींवर रुग्णालयात उपचारासाठी दाखल करण्यात आले आहे. मात्र या भीषण अपघातामुळे परिसरात एकच खळबळ उडाली आहे. मंगळवारच्या पहाटेच्या सुमारास काही तरुण अर्टिगा कारने चंद्रपूरवरून जिवतीच्या दिशेने जात होते. दरम्यान कार गडचांदूर-भोयगाव-चंद्रपूर मार्गावरील लखमापूर येथे आली असता, इथं रस्त्याच्या कडेला उभ्या असलेल्या एका ट्रकला या भरधाव अर्टिगा कार ने मागून जोरदार धडक दिली. ही धडक इतकी भीषण होती की, या अपघातात 4 जणांचा जागीच मृत्यू झालाय, तर एकजण गंभीर जखमी आहे. सुरज गव्हाले (वय 22, रा. शेणगाव) सुनील किजगीर (वय 27 वर्ष रा. शेणगाव) आकाश पेंदोर (वय 22 वर्ष रा. पाटण), श्रेयश पाटील (वय 22 वर्ष रा. टाटाकोहोड) अशी या चौघांचा जागीच मृत्यू झालेल्यांची नावे आहे. तर अजय गायकवाड (रा. कोलामगुडा) हा गंभीर जखमी असल्याची माहिती आहे. या संपूर्ण घटणेचा तपास सध्या गडचांदूर पोलीस करत आहेत.

Related Articles

Leave a Reply

Your email address will not be published. Required fields are marked *

Back to top button